West Rand
WAT BEDOEL JY
JY IS WEER GEBORE?
INLEIDING
Sommige Christene beweer hulle is “wedergebore”. Ander sê hulle is
nie seker daaroor nie en party sê hulle weet nie eintlik wat dit beteken
nie. Party sê dit gebeur wanneer jy gedoop word, of wanneer jy in jou
kerkdenominasie aangeneem of as lidmaat bevestig word. Dan is daar
die wat sê dit is wanneer jy ʼn sekere geestelike belewenis ervaar.
Daar is duidelik baie verwarring oor die onderwerp.Dit,nieteenstaande
die feit dat Jesus gesê het dat tensy ʼn persoon weer gebore word, sal
hy die koninkryk van God nie sien nie (Joh. 3:3-
dat daar soveel onkunde en wanopvattings is oor so ʼn kardinale onderwerp?
Hierdie boek poog om die wanopvattings uit die weg te ruim en
ʼn duidelike en akkurate uiteensetting te gee van wat die
wedergeboorte behels, asook hoe jy kan weet of jy weer gebore is.
Hierdie boekie bevat van die belangrikste inligting wat jou lewe kan
verander,as jy ʼn oop gemoed het.
Die wedergeboorte is veel belangriker as ʼn persoon se geboorte
uit sy moeder se skoot. ʼn Persoon se wedergeboorte is die
belangrikste gebeurtenis in sy of haar lewe. Die implikasies daarvan is
ewigdurend en so enorm, dat woorde nie naby daaraan kom om dit te
beskryf nie.
Daar is ʼn misterie gekoppel aan die wedergeboorte. Hierdie
misterie is nie ʼn geslote geheim nie; dit is iets wt net die Heilige Gees
kan openbaar. Om dit te verstaan moet ons iets van God se karakter en
Sy plan vir die mens verstaan. En daarvoor moet ons teruggaan na die
begin… In hoofstuk 1 begin ons met die begin...
